إيناس كمال :
ساكت ليه يا قلبى مهموم و حزين؟
بتدارى جرحك طب ليه و من مين؟
ساكت ليه ما تتكلم؟
إحكى ..إبكى..اصرخ..إشكى ..اتألم
مجروح يا قلبى و مسكين
اتجرحت من اغلى الغاليين
واتدبحت بأنعم سكين
لا تقدر تتكلم و لا
تشكى م الأنين
هتهرب من جرحك..
هتروح على فين؟
هتسكت ولا هتحكى و لمين..؟؟؟
إكتم صرخــتك..إرسم فرحتك
بيٍـن ضحكتك.. مع انهم مزيفين
إبكى من جواك و عنيك مغمضين
إبكى يا قلبى بحرقه
صعبان عليا م النار والفرقه
إبكى ..من غير دموع تبان ف العين
طير لبعيد..بجناحين مكسورين
ودع الحبايب .. ودعهم لسنين